მომსახურების პირობები

ბოლო განახლება: 26.09.2026

1. რა არის ArchiCAD.ge

ArchiCAD.ge არის ონლაინ სამუშაო სივრცე საკადასტრო, ზონირების და ქალაქგეგმარებითი ანალიზისთვის: რუკები და ფენები, ნაკვეთის ინფორმაცია, შენობის მოდელირება, ანალიზები, დოკუმენტების მომზადება და ექსპორტი. საიტის გამოყენება ნიშნავს ამ პირობებზე თანხმობას.

2. ანგარიში

• ანგარიში იქმნება მეილით და პაროლით, Google-ის ანგარიშით ან ტელეფონის ნომრით (SMS კოდით).
• ანგარიში პირადია: არ გადასცეთ სხვას და დაიცავით პაროლი. ანგარიშიდან შესრულებულ მოქმედებებზე პასუხისმგებელია მისი მფლობელი.
• მიუთითეთ ნამდვილი მონაცემები. ერთმა პირმა არ უნდა შექმნას რამდენიმე ანგარიში საცდელი პერიოდის ან პრომოკოდის განმეორებით მისაღებად.

3. პაკეტები და საცდელი პერიოდი

• უფასო — რუკები, ფენები, საკადასტრო ძებნა, ნაკვეთის ინფორმაცია, გაზომვა და პროექტების შენახვა.
• Pro — 29 ₾ თვეში: უფასოს ყველაფერი და სამუშაო ხელსაწყოები (ესკიზი, ნებართვები, საინჟინრო ქსელები, ასისტენტი).
• Premium — 59 ₾ თვეში: საიტის ყველა შესაძლებლობა, მათ შორის შენობის დასმა, ანალიზები, დოკუმენტები, ექსპორტი და ჩამოტვირთვა.
• ახალი ანგარიში იღებს 7 დღით Pro პაკეტს უფასოდ. საცდელის შემდეგ ანგარიში ავტომატურად გადადის უფასო პაკეტზე — თანხა ავტომატურად არ ჩამოიჭრება.
• პაკეტი ირთვება გადახდის დადასტურების შემდეგ, შეძენილი ვადით (1, 3 ან 12 თვე), და თავისით არ გრძელდება.
• ფასები შეიძლება შეიცვალოს; ცვლილება არ ეხება უკვე გადახდილ ვადას.

4. გადახდა და თანხის დაბრუნება

ამ ეტაპზე გადახდა ხდება საბანკო გადარიცხვით, საიტზე გაგზავნილი მოთხოვნის საფუძველზე. საბანკო ბარათის მონაცემებს საიტი არ აგროვებს. თანხის დაბრუნების მოთხოვნა განიხილება ინდივიდუალურად, მოთხოვნიდან 14 დღის განმავლობაში, თუ პაკეტის ფასიანი ფუნქციები ჯერ არ გამოგიყენებიათ.

5. პრომოკოდები

პრომოკოდი ერთ ანგარიშზე ერთხელ გამოიყენება, აქვს ვადა ან გამოყენების ლიმიტი და შეიძლება გაუქმდეს. პრომოკოდის ბოროტად გამოყენებისას (მაგ. ყალბი ანგარიშები) ვიტოვებთ უფლებას, მოვხსნათ მიღებული პაკეტი და დავბლოკოთ ანგარიში.

6. მონაცემების სიზუსტე

რუკები და მონაცემები მოდის საჯარო წყაროებიდან (საჯარო რეესტრი, ms.gov.ge, კულტურული მემკვიდრეობის სააგენტო, ადგილობრივი თვითმმართველობები, OpenStreetMap და სხვ.) და მუშავდება ავტომატურად. ისინი საცნობაროა: იურიდიული ძალა აქვს მხოლოდ შესაბამისი უწყების მიერ დამტკიცებულ დოკუმენტს. საიტზე მომზადებული ანალიზი, მოდელი თუ დოკუმენტი საჭიროებს სპეციალისტის გადამოწმებას, სანამ მას გადაწყვეტილების ან ოფიციალური წარდგენისთვის გამოიყენებთ.

7. დაუშვებელი გამოყენება

• საიტის ან მისი მონაცემების მასობრივი ავტომატური ჩამოტვირთვა, სერვისის გადატვირთვა ან დაცვის გვერდის ავლა;
• ფასიანი ფუნქციების პაკეტის გარეშე გამოყენების მცდელობა;
• სხვისი ანგარიშით სარგებლობა ან სხვისი პერსონალური მონაცემების უკანონო დამუშავება.

დარღვევისას შეგვიძლია ანგარიშის შეჩერება ან დაბლოკვა.

8. პასუხისმგებლობა

სერვისი მოწოდებულია „როგორც არის". ვცდილობთ, საიტი მუშაობდეს შეუფერხებლად, თუმცა ვერ გამოვრიცხავთ დროებით შეფერხებებს, მათ შორის გარე წყაროების (მაგ. საჯარო რეესტრის) მიუწვდომლობას. კანონით დაშვებულ ფარგლებში არ ვართ პასუხისმგებელი საიტის მონაცემებზე დაყრდნობით მიღებული გადაწყვეტილებების შედეგებზე.

9. ცვლილებები

პირობები შეიძლება განახლდეს; მნიშვნელოვანი ცვლილების შესახებ გაცნობებთ საიტზე. განახლების შემდეგ საიტის გამოყენება ნიშნავს ახალ პირობებზე თანხმობას.

10. მოქმედი კანონმდებლობა

ამ პირობებს არეგულირებს საქართველოს კანონმდებლობა.

კითხვები, მოთხოვნები და საჩივრები: bolkvadze95@yahoo.com